[i55g]                                               DE LA VILLE DE PARIS.                                                      33
XLIX.— Commencement du tournoy.
29 juin 1559. (Fol. 36 v°.)
Le tournay commença le vingt neufiesme jour de Juing mil vclix, en la grande rue Sainct Anthoine, où estoient préparées les lices, les arcs triumphans, eschauffaulx et autres triumphes en la maniere acous­tumée es entrées de Roys ; et allerent Mess" de la Ville prandre possession de leurs deux loges estans à l'entrée desd, lices.
Le Roy qui estoit des tenans se monstra vaillant, et rompit plusieurs lances W. Ainsi feist-il le lande-myn jeudi ensuivant, jour sainct Pierre, et sembla­blement le vendredi, xxxe et dernier jour de Juing, jour de la feste mons1, sainct Pol, laquelle feste ne lut pas si bien solempnisée qu'elle soulloit, à cause dud. tournoy.
Le Roy rlessé. Aussi il advint ced. jour que, ainsi que le Roy cou-roit contre mons" de Lorge, rompirent leurs lances, et donna led. Lorge ung tel coup en l'estomac du Roy en rompant sa lance, que icelle lance se esclatta par grande fortune, et ouvrit ung esclat la visière du Roy, entrerent les esclatz dedans la teste au dessus de l'œil et le persa de sorte qu'il tumba contre la lice, estans encores sur son cheval, et fut prins et porté aux Tournelles, où la fiebvre le print. Neant­moings Ies cirurgiens Ie pensèrent et feirent ce qui leur fut possible, mais ilz declairerent qu'il estoit en danger de mort'2'.
L. — Procession generalle pour le Roy.
9 juillet 1559. (Fol. 37 r°.)
Le dimenche ix" jour de Juillet ensuivant mil vc ux, furent faictes processions generalles pour le Roy, de l'eglise de Paris à la Saincte Chappelle et de la Saincte Chappelle en l'eglise de Paris, en l'ordre qui ensuit :
Mess" de la Ville et le Greffier, vestuz de leurs robbes my parties, acompaignez d'aucuns Conseil­lers, Quarteniers el bourgeois de lad. Ville, les ser­gens d'icelle, vestuz de leurs robbes de livrée et navires, les archers, arbalestriers et hacquebutiers marchans devant, partirent de l'Ostel de lad. Ville entre sept et huit heures du matin, allerent à che­val jusques en l'eglise Nostre Dame de Paris où trou­verent le clergé qui attendoitles chasses monsr sainct Marcel et madame saincte Geneviefve.
Et tost après icelles arrivées, venoit derriere le Lieutenant criminel, acompaigné des commissaires du Chastelet et des sergens à verge, et environ eulx marchoient les abbé et religieulx de l'abbaye Saincte Geneviefve, lequel abbé avoit esté sacré ce jour mesmes ®.
Partit de lad. eglise toutes les bannières, croix et prebstres de toutes les paroisses de Paris, et les Quatre Mendians avec leurs reliquaires.
Après, estoit porté par les Orfèvres la chasse monsr sainct Marcel, et à costé estoit portée par douze hommes nuz la chasse madame saincte Gene­viefve.
Après, marchoit led. Lieutenant criminel et le corps de Chastelet.
Après, suyvoient les chantres et chanoines de l'eglise de Paris, qui estoient suyvis de monsr l'Evesque dud. lieu, en son habit pontifical; à costé de luy l'abbé de Saincte Geneviefve, habillé en evesque.
Après, marchoient Mess™ les Prevost des Mar­chans , Eschevins et leurdicte compaignée.
Et ainsi allerent jusques au Palais, passèrent par dedans la grande salle et allerent à la Saincte Chap­pelle, où ilz trouverent mess" les Princes du sang, mess" de la Court de Parlement et mess" des Comptes.
W On voit par les mémoires de Vieilleville que le Roi jouta successivement avec M. de Savoie, M. de Guise et en dernier lieu avec Gabriel de Lorges, comte de Montgommery, capitaine de sa garde écossaise, qui le blessa mortellement.
O Vainement les chirurgiens les plus habiles s'empressèrent autour du royal blessé; en vain, André Vésale accourut de Rruxelles, envoyé par Philippe II, le Roi succomba le io juillet 1559. Ambroise Paré, l'illustre chirurgien, qui fut consulté par Chapelain, premier médecin du Roi, nous a conservé une relation de la blessure et de l'autopsie de Henri II. (Cf. D' Le Paulmier, Ambroise Paré, d'après des documents nouveaux, p. 51.)
(3) Joseph Foulon fut consacré dans la chapelle dé la Miséricorde le 9 juillet, à 3 heures du matin, afin de pouvoir présider, en qualité d'abbé, la procession de la châsse sainte Geneviève, organisée en vue d'obtenir la guérison du Roi.
lUPRIUCRIE «A7IQ-ALC,